做隱形眼線係咪好痛架？

（上圖是網絡圖片，取自google search)

做眼線係咪好痛架？

如果唔知做眼線既過程係點，可以參考下面：

隱形眼線施術過程
Step 1:與客人溝通及拍術前照
Step 2:敷上眼線專用舒緩膏 (30-45分鐘不等）
Step 3:第一轉眼線上色
Step 4:再敷上中途舒緩膏 (3-5分鐘不等）
Step 5:第二轉眼線上色
Step 6:視乎客人感覺，是否需要再加舒緩膏，可加或不加
Step 7:第三轉眼線上色
Step 8:視乎客人皮膚上色度，是否需要進行第四次上色或執漏
Step 9:完成後要塗上修護霜，再拍術後照
Step 10:講解術後護理再送上舒緩膏

每個做眼線既客人都要敷舒緩膏，當客人剛敷完40分鐘舒緩膏，做第一轉既時候大部分人都唔會痛，但唔會無感覺，因為始終機器枝針喺度掃眼線位置，係一定感覺到有嘢喺度撩你。做完第一轉，會再敷中途舒緩膏，大概三分鐘至五分鐘。之後再要做多兩次。正常過程要做三次，但由於人人皮膚上色同吸收色料都唔同，有人做完三次就上色，有人要做四次。即係話做既次數愈多，舒緩膏既功效都會隨之慢慢減低。所以會出現痛感。雖然可以再幫客人加舒緩膏，但當做左兩三次之後再放舒緩膏，舒緩膏有消炎既作用，所以搽落去都會有嗱嗱地既痛，有人會覺得搽完痛過做果個感覺，所以我都會提客人落舒緩藥係會「嗱」。

有客人係可以整個施術過程唔痛，因為佢淚水分泌少，皮膚易上色，順利喺舒緩膏效用時三轉完成。但亦都有客人，本身如果係有飲酒食煙既習慣或者身體本身唔太吸收舒緩膏，做既時候可能就會比較敏感，而M Come期間係特別容易覺得痛。有好多人同我講唔痛，但唔會無感覺，有啲人話好痕，有啲人就話拮拮下，所以痛唔痛真係因人而異。

總結一下，做隱形眼線既痛感因人而異，就算坊間稱無痛，但我話你知做既過程唔會無感覺。

我的隱形眼線作品：

My FB：https://www.facebook.com/tryspmu/
My IG: https://www.instagram.com/tryspmu/
My Blog: https://tryspmu.blogspot.hk/
My Ublog: http://blog.ulifestyle.com.hk/blogger/tryspmu/