半永久隱形眼線係咩嚟架，同以前紋或繡眼線有咩唔同？

問題一： 半永久隱形眼線係咩嚟架，同以前紋或繡眼線有咩唔同？

首先要解釋一下隱形眼線係咩嚟先，等大家有個概念係點。通常會喺客人的第一根睫毛至到最後一根睫毛上面去做色，不會拉長尾段，頂多做一個小三角既尾。盡量要幫客人把眼線做到閉眼後無痕跡，開眼後會看似睫毛濃密，要拉起眼皮才會見到這眼線。有人問：「做到睇唔到，咁做嚟做咩？」咁不如你諗一諗，做到好明顯好覺眼，咁你素顏既時候有條好黑既線，你又接唔接受到呢？我地想靚得自然，唔係要話比人聽，我做左眉我做左眼線，而係做左半永久化妝後，眼眉同眼線係自然到你素顏時無乜人發現你做左手腳，但又比你真實未做半永久化妝之前，顯得精神左同靚左。真素顏既真實未必見得人，做完半永久化妝既偽素顏就可以比你偽裝成自然同天生麗質。

半永久化妝用既色料係天然植物色料，而用在眼線既色料通常係德國製造，視乎飄眉師的選擇。做既過程係先敷40分鐘舒緩膏，然後用機器或手工刀上色，視乎飄眉師的習慣，有人會用機器亦有人用手工刀，亦有人兩者並用，無話邊個方法特別好，只係各個人既技術及習慣唔同。機器係用一次性獨立針頭，手工刀都係一次性既刀片，絕對安全同衛生。

半永久化妝數碼機器參考圖：

半永久化妝手工刀片參考圖：

下面就係做隱形眼線既過程，需時1.5-2小時左右：

隱形眼線施術過程
與客人溝通及拍術前照
敷上眼線專用舒緩膏 (30-45分鐘不等）
第一轉眼線上色
再敷上中途舒緩膏 (3-5分鐘不等）
第二轉眼線上色
視乎客人感覺，是否需要再加舒緩膏，可加或不加
第三轉眼線上色
視乎客人皮膚上色度，是否需要進行第四次上色或執漏
完成後要塗上修護霜，再拍術後照
講解術後護理再送上舒緩膏

半永久化妝與傳統紋繡的的分別：

以前紋或繡都係用重金屬色料，色料非常上色，做完會好實色。落針既深度都比半永久化妝深好多，雖然兩者都係要破皮入色，但紋或繡既深度係去到真皮層，而半永久化妝就只會去到表皮下的0.7mm，所以做半永久化妝好少會流血，頂多會滲一點點血，好似平時針清咁，唔會流出嚟。

	半永久化妝	紋或繡
色料	天然植物色料	重金屬顏料
工具	手工刀/ Digital機器	傳統紋繡機器
深度	表皮層0.7mm左右	觸及真皮層
持久度	1-2年不等	5-10年或永久
上色度	淺	深
補色	至少要補色一次	不用
好處	隨時間顏色會褪色直到無痕跡	不會褪色
壞處	不持久，要補色	隨著時間會變色，可能會變成藍藍綠綠或紅色

我的隱形眼線作品：

My FB：https://www.facebook.com/tryspmu/
My IG: https://www.instagram.com/tryspmu/
My Blog: https://tryspmu.blogspot.hk/
My Ublog: http://blog.ulifestyle.com.hk/blogger/tryspmu/